Ngā Awhewhe

Ko ngā kōwae katoa kua tuhia ki raro iho nei kua hangaia hei ngā awheawhe e toru 60 miniti, kanohi-ki-te-kanohi, ā, ka haere ngātahi hoki me tiaroaro ki te marautanga. Ko ngā mahi mā ngā rōpū-ā-tau e āhei ana hoki hei mahinga mā ngā ākonga katoa, ā, i te wā orite, ka mahi hoki i ngā mahi o roto mai i te kōwae o mua tonu. Ko ngā ākonga ka tomo atu ki te hōtaka Tau 3 ka kitea, ā ka tūhuratia i ngā mea hou mai i ngā kōwae o te Tau 4, me ngā Tau tua atu hoki.

Ko ngā awhewhe nei e whakahaerehia ana e ngā kaimahi tino mōhio ki te whakaako me te whakahono ki te tangata, ā, ka whakaakona atu ki ngā rōpū o te 20 ki te 30 ākonga ki roto i ō rātou ake akomanga, ki ngā wāhi ako e wātea ana rānei. Ko tā te ākonga he hari mai noa i te pepa me te pene.

Te Wāwāhi

Tau 3

Ka whakamārama ngāwari atu nei ki ngā ākonga te aroaro o te whakaaro hātepe. Ka mārama hoki ngā ākonga; ko ngā mahi pīroiroi e tāea ana te wetewete, i te mea ki roto i te wetewetenga, e kitea ngawaritia ai ngā whakautu e rapu nā ia kia whakaharatau i te mahi pīroiroi rā. Ka hāngai hoki ēnei mahi ki ngā mahi o ia rā.

  • Marau Hangarau: Hangarau Matihiko Kōwae 3

    Ko te whakaaro hātepe

     

    Ka wetewete tētahi tūmahi rorohiko-kore ki ētahi tohutohu tika, tohutohu mārama, me kī, kia māmā ngā tohutohu (whakaaro hātepe). Ka taea te tuku tohutohu, ka tautohu mēnā kei te hē, ā, ka whakatika ai (te patuiro). Mā tēnei mahi e whakaatu ka taea e rātou te whakamahi i ō rātou pūkenga whakaraupapa hei wetewete i tētahi tūmahi ki ōna tohutohu iti nei.

     

     

    Te Tupuranga Whakaaro Rorohiko: Whakatupuranga 2

     

    Ko te hanga hātepe

     

    Ka mārama ko tēnei mea te hātepe, he tukanga tohutohu ki te whakaoti hopanga, ka taea hoki te whakamahi i ēnei ki te tuhi papatono rorohiko, ā, me tika, me hāngai ngā tohutohu kia taea ai e te rorohiko te whai. Ka hoatu, ka whai hoki i ngā hātepe patuiro ngāwari i roto i ngā taiao rorohiko, rorohiko-kore hoki. Ka taea ēnei hātepe te whakamahi ki te hanga papatono māmā mā te whakauru i ngā mea pēnei i te tāuru, i te tāputa me ngā raupapanga i tēnei taiao hanga papatono.

     

Te Hanga

Tau 4

Ka whakaharatau ngā ākonga me pēhea ia e whakaaro hātepe ai, ā, ka timata ki te tūhura i ngā mahinga a ngā kaihanga hangarau kia āhei ai rātou te whakapuaki paki me te hoatu kōrero hei pāinga mō ngā hāpori. Ka whakamāramatia atu ki ngā ākonga te hōtaka kaiwhakanikoniko rorohiko taupānga ScratchJr hei hanga i ngā hātepe ngāwari i roto i te horopaki matihiko.

  • Marau Hangarau: Hangarau Matihiko Kōwae 4

Te Waihanga Anamata

Tau 5

Ka tūhuratia i ngā rauemi matihiko kia hoahoa ai i ētahi hīraurau hou ki ngā raruraru tūturu o te ao nei. Ka mārama ngā ākonga he rauemi te hangarau, ā, ko ngā otinga matihiko me whai whakaaro ki ngā kaiwhakamahi me ngā kaimahi. Ka whakamātau ngā ākonga i te tā ahutoru me te pūmanawa tautono mahere ahutoru hei tauira rauemi matihiko.

  • Marau Hangarau: Hangarau Matihiko Kōwae 5

     

He Moka, He Karetao

Tau 6

Ka whakamārama atu ki ngā ākonga ngā tikanga tuāpapa o te mahi papatono me ngā āhuatanga raraunga matihiko. Ka whakamahi ngā ākonga i o rātou mōhiotanga o te tāhūrua kia hangaia ētahi āhuatanga tāhūrua, kia whakapapatono i a mKaretao, he karetao hiko iti, ka taea te haere me te whakahihiko i ōna rama.

  • Marau Hangarau: Hangarau Matihiko Kōwae 6

Kia Haka te Karetao!

Tau 7

Ka whakamōhio atu ki ngā ākonga i te whakaaro nei; ko ngā karetao hiko (pēnei i ngā hangarau kē atu) i hangaia e te tangata kia mahi i ētahi mahi motuhake. Ka whakaharatau ngā ākonga me pēhea te tuhi waehere mō ngā karetao hiko kia hangaia ai i ngā hātepe tika, ā, kia whakamahi i ngā poraka hanganga e toru mō te mahi papatono; arā ko te raupapa, tīpakonga, tōaitanga.

  • Marau Hangarau: Hangarau Matihiko Kōwae 7

Whakaarohia hei Kaihanga Hangarau

Tau 8

Ka tūhuratia ngā ākonga i ngā whiwhing kua tūwhera ki a rātou  i roto i te ao matihiko, ā, ka mārama rātou  he take nui ngā pūkenga hangarau matihiko mena e rapu mahi ana ia. Ka whai wāhi atu ngā ākonga, ki ngā pūkenga huhua e āhei ai rātou  te hanga i ngā hīraurau matihiko, pēnei i te mahi papatono, pēnei anō hoki i te mahi ngātahi me te tautohu hoki i ngā hiahia a te kaiwhakamahi mutunga.

  • Marau Hangarau: Hangarau Matihiko Kōwae 8

Kaupapa here matatapu

#FutureThinking_Today

Ko ngā kōwae katoa kua tuhia ki raro iho nei kua hanga hei whakaawheawhetanga; e toru ngā awhewhe 60 miniti, kanohi-ki-te-kanohi, ā, ka haere ngātahi hoki me ngā hua akoranga o te marautanga. Ko ngā mahi mā ngā roopu-tau (akomanga) e āhei ana hoki hei mahinga mā ngā ākonga katoa, ā, i te wā orite, ka mahi hoki i ngā mahi o roto mai i te kōwae o mua tonu. ko ngā ākonga ka tomo atu ki te hōtaka Tau 3 ka kite,

ā ka rangahau i ngā mea hou mai i ngā kōwae o te Tau 4, me ngā atu Tau hoki. Ko tā te ākonga he hari mai noa i te pepa me te pene. Ko ngā awhewhe nei e whakahaerehia ana e ngā tāngata tino mōhio ki te whakaako me te whakahonohono ki te tangata. Ka whakaakona atu ki ngā roopu o te 20 ki te 30 ākonga ki roto i ō ratau ake akomanga, ki ngā wāhi ako e wātea ana rānei.

Ko ngā kōwae katoa kua tuhia ki raro iho nei kua hanga hei whakaawheawhetanga; e toru ngā awhewhe 60 miniti, kanohi-ki-te-kanohi, ā, ka haere ngātahi hoki me ngā hua akoranga o te marautanga. Ko ngā mahi mā ngā roopu-tau (akomanga) e āhei ana hoki hei mahinga mā ngā ākonga katoa, ā, i te wā orite, ka mahi hoki i ngā mahi o roto mai i te kōwae o mua tonu. ko ngā ākonga ka tomo atu ki te hōtaka Tau 3 ka kite, ā ka rangahau i ngā mea hou mai i ngā kōwae o te Tau 4, me ngā atu Tau hoki. Ko tā te ākonga he hari mai noa i te pepa me te pene. Ko ngā awhewhe nei e whakahaerehia ana e ngā tāngata tino mōhio ki te whakaako me te whakahonohono ki te tangata. Ka whakaakona atu ki ngā roopu o te 20 ki te 30 ākonga ki roto i ō ratau ake akomanga, ki ngā wāhi ako e wātea ana rānei.